படி மகளே படி.....

மக்குப் பய மகன் நான்
மச்சு வீட்ல பிறக்கல.


கையும் காலும் நல்லாயிருந்தும்
கால் காசுத் தேறலே.


என்ன செய்ய எங்கப்பன்
பள்ளிக்கூடம் அனுப்பலே .


வாத்தியாரு வீட்டுக்கு வந்து
கேட்டுப் பார்த்தும் பயனில்ல.


சின்னப் பைய எனக்கப்ப
விவரமும் தான் பத்தல .


வளர்ந்த பிறகு ஏங்கி
இப்போ எதுவும் இங்கே நடக்கல.


நான் பெத்த புள்ள தாயீ
நாலெழுத்துப் படிச்சு வா.


என்னைப் போல புலம்பாம 
பள்ளிக்குத் தான் சென்று வா.                                                                                                   


பட்டங்களை வென்று வா
பார் புகழ வாழ்ந்து வா.
                              -தென்றல்